Жазмыш
8 жыл бұрын
3138
Халифа Омар ибн Абдулазиздің ұлы Абдулмалик қайтыс болады. Көңіл айтып келген кісіге халифа: «Біз бұл істің болатындығын күтіп жүргенбіз. Басымызға келгенде қарсы шықпай қабыл еттік» деген екен. P/S Жақсылықтың да жамандықтың да Алладан екендігіне иман келтірген жан осындай болмақ. Қайырлы күн! Күндеріңіз сәтті өтсін! Бауыржан Әлиұлының фб парақшасынан алынды. 
Кешіру
8 жыл бұрын
2731
Халифа Мәмун билікті тартып алуды көздеп қол жинап бас көтерген туысы Ибраһим ибн әл-Мәһдиді қолға түсіреді. Артынша уәзірі Ахмет ибн Әбу Хулд әл-Ахуалмен туысын қалай жазалайтындығы жөнінде кеңеседі. Халифаны ден қойып тыңдаған уәзір: «Уа момындардың әміршісі! Егер оны өлім жазасына кессеңіз, сіздің теңдестеріңіз көп болмақ. Ал оған кешірім жасасаңыз, сіздің теңдесіңіз болмайды» деген екен. P/S Кез келген адам қателіктің жазасын бере алады. Алайда көпшілік жан кешіре алмайды. Арамызда орын алған қателіктерді кешіре білейік! Жұма мүбарак! Бауыржан Әлиұлының фб парақшасынан алынды. 
Көршімді саттым
8 жыл бұрын
2758
Әбул-Асуад әд-Дуалидің (Алла оны рақымына бөлесін) Басра қаласында бір үйі болған екен. Алайда көршісі көп мазасын алады екен. Шыдай алмаған Әбул-Асуад әд-Дуали үйін сатып жібереді. Үйін сатқаннан кейін көрген адамдар: «Үйіңді сатып жіберіпсің ғой»,-дейді. Әбул-Асуад әд-Дуали: «Мен үйімді сатпадым. Көршімді саттым»,-деген екен. P/S Көршілік қазіргі таңда көп адам мән бермейтін дейгейге жетті. Кейін бала айтқанды тыңдамайды деп ренжиді. Қазақ "Ұлың өссе ұлы жақсымен, қызың өссе қызы жақсымен көрші бол" деп нендей керемет айтқан. Бауыржан Әлиұлының фб парақшасынан алынды. 
Заманды түзеу
8 жыл бұрын
2834
Сахаба Муғауия (Алла оған разы болсын) даналықпен аты шыққан Ахнафтан (Алла оған разы болсын) заман жайында сұраған екен. Ахнаф: «Сен өзің замансың! Сен түзелсең заман да түзеледі. Сен бұзылсаң заман да бұзылады»,-деген екен. P/S Заманды түзеу үшін әуелі өзімізді түзейік! Өзгеге кінә артуды азайтсақ, өзімізді түзетуге уақыт табылады. Қайырлы күн! Күндеріңіз табысты өтсін! Бауыржан Әлиұлының фб парақшасынан алынды. 
Дүние мен ақірет
8 жыл бұрын
3722
Бір ғұлама біреудің: «Дүниеге қызықпайтындар қайда? Ақіретке қызығатындар қайда?» деп жар салып келе жатқандығын естиді. Дереу әлгінің тұсына келіп: «Екеуінің (яғни, дүние мен ақіреттің) орнын ауыстырып, кез келген адамды мынау деп нұсқай берсең болады» деген екен. P/S Мына сөз айтылғалы бері еш нәрсе өзгермеген секілді. Қайта көбейіп кеткен секілді.. Күндеріңіз сәтті өтсін! Бауыржан Әлиұлының парақшасынан алынды.
Басқа пәле тілден
8 жыл бұрын
3952
Зұлымдығымен танылған Ирак әкімі Хажжаж (40-95/661-714) бір күні қан алдырмаққа бел байлайды. Сонымен бір қан алатын кісіге келеді. Қан алушы Хажжаждың желкесіне оңқаларды (банкаларды) қойғаннан кейін: «Уа, әмірші! Ибн Ашғас пен араларыңда болған іс жайында және саған оның қалай қарсы шыққандығынан хабардар етуіңді қалап тұрмын» дейді. Хажжаж: «Оның уақыты бөлек. Мына істен сен босағаннан кейін айтып берейін» дейді. Алайда қан алушы әлгі өтінішін бірнеше мәрте қайталайды. Хажжаж да кейін айтып беретіндігіне ант-су ішіп уәде береді. Қан алушы оңқаларды алып, қанды сүртіп жуып береді. Осыдан...
Имани кемелдік
8 жыл бұрын
2620
Тақуалығымен танылған сопы Сәри ибн Муғаллис әс-Сақати (253): Бір «Әл-хамду лилләһ (Құдайға шүкір)» деп айтқан сөзім үшін отыз жылдан бері истиғфар (күнәмнің кешірілуін сұрап) етіп келемін. Жанында отырғандар: «Бұл қалайша?»деп сұрайды. Ол: «Бағдатта үлкен өрт болған еді. Алдымнан бір кісі шығып: «Сенің дүкенің өрттен аман қалды» деді. Мен сол сәтте «әл-хамду лилләһ (Құдайға шүкір)» деп айттым. Сол күннен бері өзімді өзгелерден артық көріп, жақсылықты тек бір басыма қалағаныма өкініп келемін» деген екен. P/S Мұсылман кісі өзіне қалаған жақсылығын, өзгеге қаламайынша имани кемелдікке қол...
Құдай қаласа...
8 жыл бұрын
3431
Бір кісі есек сатып алмақшы болып базарға баруға бел байлайды. Жолда досы кездесіп қалады. Досы: «Қайда барасың?» деп сұрайды. Ол: «Мен есек сатып алмақ болып базарға кетіп барамын» деп жауап береді. Досы: «Құдай қаласа деп айт!» дейді. Ол: «Бұл «Құдай қаласа» деп айтудың жөні келмейтін жер. Дирһамдарым қалтамда. Есек базарда» дейді. Сонымен базарда жібі түзу есек іздеп біраз жүріп қалады. Сөйтіп жүргенде қалтадағы дирһамдары ұрланады. Не ақшасы жоқ, не алған есек жоқ басы салбырап үйіне қайтады. Жолда әлгі жосы қайта жолығады. Оған қарап: «Не қылдың?» деп сұрайды. Ол: «Дирһамдар ұрланды...
Кішіпейілділік
8 жыл бұрын
3538
Халифа әл-Муқтадир Билланың уәзірі Әли ибн Иса (245-335/859-946) тақуа кісінің бейнесінің жасап, қарапайым киінуге күш салып кішіпейіл көрінгісі келеді екен. Және осы бейнесінің өзгеден артық көрініп, елдің алдында байқалуына қатты мән береді екен. Бір күні уәзірдің құзырына қази Әбу Омар (243-320) кіреді. Қазидің үстінде қымбат киім болады. Уәзір мұны пайдаланып қазиді ұялтқысы келеді. Тамағын кернеп: «Уа, Әбу Омар! Мына үстіңдегі киімді қаншаға сатып алдың?» деп сұрайды. Қази: «Екі жүз динарға сатып алдым» деп жауап береді. Уәзір: «Ал мен мына менің үстімдегі шапанды және астындағы көйлекті...
Жеткізе білу
8 жыл бұрын
2738
Халифа Һарун Рашид әдетінше ел аралап жүргенде бір аймақтың тұрғындары сайлаған әкімнің үстінен шағым айтады. Халифа: «Өтірік айтасыңдар! Мен оны әділ деп білемін. Сендерге жасаған жақсығын да білемін» дейді. Тұрғындардың арасынан бір ақсақал шығып: «Уа, момындардың әміршісі! Бұл өзге аймақтарды елемей, біздің аймаққа деген нендей айрықша махаббат?! Бұл әкіміңнің біздің елде әкім болып әділдік көрсеткеніне бес жыл жүзі болды. Біздің аймақтан басқа аймаққа мына әкіміңді ауыстырсаңшы өзге аймақтарға да әділдігінің шарапаты тисін. Баршамыз бірдей тыныштық көрер едік» дейді. Халифа күліп жіберіп,...
Риядан сақтану
8 жыл бұрын
3282
Әйгілі шейх Хасан Тауил әл-Мәлики (1834-1899) Мысыр хедиві Тәуфиқ пашаның (1852-1892) қабылдауына шақырылады. Және оған қабылдауға келгенде киетін ресми киімі де беріледі. Қабылдау уақыты келіп жеткенде шейх Хасан күнделікті киетін қарапайым киімімен келеді. Ал киюге берілген ресми киімді түйіншікке салып әкеледі. Хедивтің құзырына кіргенде: «Егер шапан мен шекпен керек болса мына түйіншектің ішінде тұр. Ал егер Хасан Тауил керек болса, міне алдыңда тұр» дейді. Кейін хедивтің жанында аң-таң болып қалғандарға қарап: «Намазда Раббымның разылығы үшін кимеген әсем киімді Тәуфиқ үшін қалай...
Ғибрат
8 жыл бұрын
2819
ҒибратХусейни ибн Амр әл-Анқари: былай деп әңгімелейді.«Мен мынадай бір уақиғаға куә болдым. Біреу Әбу Нуғайым Фадл ибн Даккиннің (130-219) үйіне келіп есігін қақты. Ол: «Бұл кім?» деп сұрады. Есікті қаққан кісі: «Мен ғой» деп жауап қатты. Әбу Нұғайым: «Менің кім?» деді. Ол: «Адам нәсілінен тараған адаммын (кісімін)» деп жауап берді. Әбу Нұғайым есіскті ашты. Әлгі кісіні құшақтап бетінен сүйіп: «Мархабат! Қош келдің! Мен Адам нәсілінен кісі қалмады деп жүрсем, әлі бар екен ғой» деді.
Жан ауырады ма?
8 жыл бұрын
2622
Имам Шағбиден біреу келіп: «Адамның жаны ауырады ма?» деп сұрайды. Шағби: «Иә ауырады. Жаман, нашар адамдардың себебінен ауырады» деп жауап берді. Шағбидің жақсы таныстарының бірі: «Бір күні Шағбидің тұсынан өттім. Екі нашар адамның ортасында отыр екен. Жан қалай?» деп сұрадым. Ол маған қарап: «Өлімалды арпалыстың, жанталастың күйін кешіп отыр» деп жауап қатты. P/S Жанымызда жақсы жандардың болуын тілейік! Қайырлы күн! Күндеріңіз сауапты, сәтті өтсін! Бауыржан Әлиұлының парақшасынан алынды. 
Денсаулықтың қадірін білу.
8 жыл бұрын
2963
Зұлымдығымен танылған Ирак әміршісі Хажжаж ибн Юсуфтің шөлге шығуға көңілі ауып сарайынан шығып кетеді. Нөкерлері шатыр тігіп, Хажжаж төрге жайғасады. Алдына түскі асы келеді. Кенеттен шатырдың тұсынан өтіп бара жатқан бәдәуиге көзі түсіп: «Уа, Бәдәуи! Кел бері! Дәмнен ауыз ти!» деп айқайлайды. Бәдәуи шатырға кіріп: «Сенен құрметті біреу шақырған еді. Соның шақыруын қабыл алдым. Ас ішпеймін» дейді. Хажжаж таңданып: «Ол кім?» деп сұрайды. Бәдәуи: «Құдіреті кішті Алла Тағала! Маған бүгін ораза ұста деп шақыртты. Мен оның бұйрығын бұлжытпай бүгін ораза ұстадым» деп жауап қатады. -Дәл осындай...
Ұялмау
8 жыл бұрын
3089
Имам Шағбидан бір сауал сұралады. Ол: «Мен бұл сауалдың жауабын білмеймін» деп жауап береді. Мәжілісте отырғандардың бірі: «Куфа мен Басраның ең атақты ғұламасы бола тұра білмеймін деп айтуға ұялмайсың ба!» дейді. Имам Шағби: «Періштелер Алла Тағалаға: «Сен Пәксің! Бізде Өзің үйреткеннен өзге білім жоқ» (Бақара, 32) деп айтқанда ұялмаған болатын. Мен неге «білмеймін» деп айтудан ұялым керек» деген екен. P/S Білмегенді білмеймін деп айту ұят емес. Білмегенді білемін деп айту өте қатерлі іс. Қайырлы күн! Күндеріңіз сәтті, сауапты өтсін! Бауыржан Әлиұлының парақшасынан алынды.
Кемшілік іздемеу
8 жыл бұрын
3026
Әйгілі табиғин имам Шағби (21-100/641-723) шәкірттерімен мәжіліс құрып отырғанда біреу келіп: «Мен ақсақ әйелге үйлендім. Сол әйелімді төркініне қайта жіберсем бе деймін. Сондай ақым бар ма?» деп сұрайды. Шағби кідірместен: «Егер әйеліңді бәйгеге қосамын деген ойың болса қайтарып жібер» деп жауап берген екен. P/S Жаныңыздағы адамның сыртқы кемшіліктеріне мән бермеңіз! Себебі оның пәлендей маңыздылығы жоқ. Қайырлы күн! Күндеріңіз сәтті, сауапқа толы болсын! Бауыржан Әлиұлының парақшасынан алынды.
Әділ әкім.
8 жыл бұрын
2981
Халифа Һарун Рашид (149-193/766-809) бас уәзірі Яхия ибн Халид әл-Бәрмәкимен (190-807) ат үстінде Бағдат қаласының көшелерінің бірінде келе жатады. Кенеттен халифаның көзі жүк толы керуенге түседі. Жанында келе жатқан нөкерлерінің бірін керуен жайында біліп келуге жұмсайды. Жіберген нөкері қайта шауып келіп: «Бұл сіз Хорасанға аймағына әкім етіп тағайындаған Иса ибн Мәһанның сізге жіберген тартуы екен» дейді. Жаңа әкім Иса ибн Мәһан бас уәзірдің ұлы Фадлдан кейін әкім болып тағайындалған болатын. Халифа дереу бас уәзіріне қарап: «Осы керуенге жүк боларлық тарту-таралғы сенің балаң Хорасанға...
Танымал блогтар
Абдусамат ҚасымАқшолпан НҰРДӘУЛЕТShynarӘбдіқадыр Біләлұлы САБЫРNurqanat BaizaqЕрболат АйтбайұлыМарфуға ШапиянБөгенбай ЗИЯЛЫСұлтан Жұмабекұлы Салтан СайранұлыKhan AliСұлтанбекқызы ҚұралайAru kyzАманкелді ҚУАНЫШҰЛЫЕрмек Ескожаjannur kokebaevaАмалхан ТөлебекCаттарӘлем СұлтаныАлма ТүсіпбековаHUSAMUDDINРоман БұрқашМақпал СембайДостықбек Адалбек
Тікелей эфир